Alþjóðlegur dagur HIV í Hörpu

Í tilefni alþjóðlega dags HIV, 1. desember, verður haldin hátíðleg skemmtidagsskrá í Hörpu. Viðburðurinn fer fram í Björtuloftum sem er fallegur salur á efstu hæðum Hörpu. Kvöldið verður tileinkað öllum þeim sem hafa smitast af sjúkdómnum og þeirra ættingjum og vinum. Við ætlum að selja Rauða borðann til styrktar HIV samtökunum á Íslandi og einnig verður tekið við frjálsum framlögum. Húsið opnar klukkan 20:00 og dagskráin hefst 21:00 Fram koma hinir ýmsu skemmtikraftar og inná milli verða nokkrir örfyrirlestrar um HIV og þær nýjungar og byltingar sem hafa orðið. Sigga Kling er kynnir kvöldsins! Jonathan Duffy verður með uppistand! Félagar úr Drag-Súgur verða með dragshow! Framkvæmdastjóri HIV Ísland flytur skemmtilegt ávarp! Það eru allir velkomnir og það verður frítt inn. Vonandi sjáum við sem flesta.